Campiunatu di Corsica di e squadre in linea - u 21 di marzu

Publié le 18 mars 2021 par Guillaume Gerandi

A Lega Corsa di i Scacchi urganizeghja u so primu campiunatu di e squadre in linea. Di pettu à una situazione sanitaria gattiva, stu scontru annuale ùn si puderà ghjucà in presenziale. Mà a nostra lega hè sempre dinamica ed attiva : Ci seranu 10 squadre chi ghjucheranu annantu à a piattaforma di ghjocu LICHESS da 5 ore di dopu meziornu sin’à 7 ore di sera dumenica, u 21 di marzu. A cadenza serà di 5 min + 3 s. Tutti i ghjucatori licenziati, principianti, scularii o cunfirmati ponu participà.

Lega Corsa di Scacchi urganizeghja a so prima edizione di « A Settimana di a Donna » !

Publié le 18 mars 2021 par Lauren Giudicelli

In u quadru di a settimana di a donna, a lega corsa di scacchi è a so cummissione feminile vi pruponenu sfarente attività à partesi di l’8 di Marzu sin’à u venneri u 12 di Marzu. A u vistu di a situazione sanitaria, l’attività si passeranu in linea st’annata : ghjustra, campione messe in avantu, simultanea, esercizii è riporti ! St’attività sò aperte à tutte è à tutti !